Япония терма жамоаси ва ЦСКАнинг собиқ ярим ҳимоячиси Кейсуке Хонда миллий жамоа бош мураббийи Ҳажиме Мориясуга шартномани яна бир йилга узайтириш таклиф қилингани ҳақидаги хабарга муносабат билдирди.
Эслатиб ўтамиз, Япония терма жамоаси Жаҳон чемпионати–2026 1/16 финалида Бразилияга 1:2 ҳисобида мағлуб бўлиб, мусобақа билан хайрлашган эди.
Хонда ижтимоий тармоқдаги саҳифасида қуйидаги фикрни қолдирди:
«Бу борада турли фикрлар бўлиши мумкин, аммо барибир ўз муносабатимни билдирмоқчиман. Ҳажиме Мориясуга шартномани яна бир йилга узайтириш таклиф қилингани ҳақидаги хабарни кўрдим. Агар бу фақат кейинги бош мураббийга муносиб номзод топилмаётгани учун вақтинчалик қарор бўлса, унда мени бир йилга синаб кўринглар. Агар Осиё кубогида муваффақиятсиз иштирок этсак, ҳеч қандай баҳонасиз мени ишдан бўшатинглар. Мен бу чақириқни қабул қилишга тайёрман».













