21 yoshli norvegiyalik vinger yozgi transfer oynasida «RB Leypsig»ni tark etishi mumkin. Bu haqda Sky Sport News xodimi Filipp Xinse xabar bermoqda.

Manbaning xabariga ko‘ra, «RB Leypsig» Nusani keyingi mavsum uchun ham saqlab qolmoqchi, biroq 60 million yevro miqdoridagi taklif klubning pozisiyasini o‘zgartirishi mumkin. Ta’kidlanishicha, shu yozda «RB Leypsig» albatta yirik sotuvni amalga oshirishi kerak, ammo jamoaning bosh yulduzi — Yan Diomandeni qo‘yib yuborishni hech kim istamayapti.

O‘tgan mavsumda Nusa barcha musobaqalarda 35 ta o‘yinda maydonga tushib, 5 ta gol urdi va 4 ta golli uzatmani amalga oshirdi.

Joriy Jahon chempionatida esa vinger to‘rtta uchrashuvda qatnashib, bitta gol urishga muvaffaq bo‘ldi.