21 ёшли норвегиялик вингер ёзги трансфер ойнасида «РБ Лейпциг»ни тарк этиши мумкин. Бу ҳақда Sky Sport News ходими Филипп Хинце хабар бермоқда.
Манбанинг хабарига кўра, «РБ Лейпциг» Нусани кейинги мавсум учун ҳам сақлаб қолмоқчи, бироқ 60 миллион евро миқдоридаги таклиф клубнинг позициясини ўзгартириши мумкин. Таъкидланишича, шу ёзда «РБ Лейпциг» албатта йирик сотувни амалга ошириши керак, аммо жамоанинг бош юлдузи — Ян Диомандени қўйиб юборишни ҳеч ким истамаяпти.
Ўтган мавсумда Нуса барча мусобақаларда 35 та ўйинда майдонга тушиб, 5 та гол урди ва 4 та голли узатмани амалга оширди.
Жорий Жаҳон чемпионатида эса вингер тўртта учрашувда қатнашиб, битта гол уришга муваффақ бўлди.
