Londonning «Tottenxem» klubi yangi a’zosi Mateush Fernandesh «Vest Xem»dan ushbu jamoaga o‘tgani haqida fikr bildirdi. Avvalroq «shporlar» matbuot xizmati 21 yoshli portugaliyalik futbolchining transferini rasman e’lon qilgan edi.
«Faoliyatimdagi yangi bosqichdan juda xursandman. «Tottenxem» — juda katta klub. Mening bu jamoaga o‘tishimda bosh murabbiy muhim rol o‘ynadi. Biz futbolga bir xil nigoh bilan qaraymiz. Ish boshlashni va muxlislar bilan uchrashishni intiqlik bilan kutyapman», — deya Fernandeshning so‘zlarini klub matbuot xizmati keltirmoqda.
Angliya Premyer-ligasining o‘tgan mavsumi yakunlariga ko‘ra, «Tottenxem» turnir jadvalida 17-o‘rinni egalladi. Jamoa 38 turda 41 ochko jamg‘argan.
