Лондоннинг «Тоттенхэм» клуби янги аъзоси Матеуш Фернандеш «Вест Хэм»дан ушбу жамоага ўтгани ҳақида фикр билдирди. Аввалроқ «шпорлар» матбуот хизмати 21 ёшли португалиялик футболчининг трансферини расман эълон қилган эди.
«Фаолиятимдаги янги босқичдан жуда хурсандман. «Тоттенхэм» — жуда катта клуб. Менинг бу жамоага ўтишимда бош мураббий муҳим рол ўйнади. Биз футболга бир хил нигоҳ билан қараймиз. Иш бошлашни ва мухлислар билан учрашишни интиқлик билан кутяпман», — дея Фернандешнинг сўзларини клуб матбуот хизмати келтирмоқда.
Англия Премьер-лигасининг ўтган мавсуми якунларига кўра, «Тоттенхэм» турнир жадвалида 17-ўринни эгаллади. Жамоа 38 турда 41 очко жамғарган.
