Senegallik hujumchi Nikolas Jekson «Bavariya»dan «Chelsi»ga qaytmoqda. Bu haqda insayder Fabrisio Romano xabar bermoqda.

Manbaning ma’lumotlariga ko‘ra, «Bavariya» futbolchining Angliyaga qaytishini tasdiqlagan. Myunxen klubi sotib olish variantini faollashtirmaslikka qaror qilgan va bu qaror bundan bir necha oy avval qabul qilingan. Jamoa bosh murabbiyi Vensan Kompani hujumchining harakatlaridan qoniqayotgan bo‘lsa-da, klub rahbariyati 50 million yevroni u uchun juda yuqori baho deb hisoblamoqda.

«Bavariya» 25 yoshli Jeksonni o‘tgan yilning sentyabr oyida «Chelsi»dan ijaraga olgan edi. Germaniya chempioni safida u 34 ta uchrashuvda maydonga tushib, 11 ta gol urdi va 4 ta golli uzatmani amalga oshirdi.