«Manchester Yunayted» va «Ayaks»ning sobiq bosh murabbiyi Erik ten Xag Niderlandiya terma jamoasini boshqarishi mumkin. Bu haqda jurnalist Nikolo Skira X ijtimoiy tarmog‘ida ma’lum qildi.
Manbaga ko‘ra, mazkur lavozimga yana «Liverpul»ning sobiq bosh murabbiyi Arne Slot ham asosiy nomzodlardan biri hisoblanadi.
1 iyul kuni Niderlandiya futbol assosiasiyasi Ronald Kumanning shartnomasi 31 iyul kuni yakunlanishi munosabati bilan lavozimini tark etishi haqida rasman xabar bergan edi.
Erik ten Xagning so‘nggi ish joyi Leverkuzenning «Bayer» klubi bo‘lgan. U jamoani 2025 yil iyul oyidan sentyabr oyigacha boshqarib, shu vaqt ichida uchta rasmiy uchrashuvda jamoaga ustozlik qilgan.













