Diogu Jotaning fojiali o‘limidan deyarli roppa-rosa bir yil o‘tib, «Liverpul» klubi jamoaning sobiq futbolchisi xotirasiga bag‘ishlangan yodgorlik memorialini ochdi. Bu haqda mersisaydliklar matbuot xizmati xabar tarqatdi.
Memorial «Liverpul»ning uy arenasi — «Enfild» stadioni yaqinida o‘rnatildi. Loyiha muallifi haykaltarosh Emma Rojers bo‘ldi.
Eslatib o‘tamiz, 2025 yil 3 iyul kuni Jota ukasi Andre Teysheyra bilan birgalikda YTHga (yo‘l-transport hodisasi) uchragan edi. Erta tongda ular ketayotgan avtomobil Ispaniyaning Samora provinsiyasidagi trassada shinasi portlagani tufayli yo‘ldan chiqib ketgan va yonib ketgan. Aka-ukalar voqea joyida vafot etishgan.
Vafot etgan vaqtida Diogu Jota bor-yo‘g‘i 28 yoshda edi.
