Maykl Olisening sehrli o‘yini barchani, shu jumladan, fransuz futbolining sobiq superyulduzi Mishel Platinini ham hayratda qoldirmoqda. U ayni damda Yevropaning eng yaxshi futbolchilaridan biri bo‘lib turgan o‘yinchining harakatlari haqida to‘lqinlanib gapirdi.
«Unda xuddi mening davrimdagidek haqiqiy “o‘ninchi raqam” (pleymeyker) bo‘lish uchun hamma narsa bor. Zamonaviy futbolda vaziyat biroz boshqacha, “o‘nliklar” odatda qanotlardan harakat qilishadi. Biroq Didye Desham o‘ninchi raqamga maydondagi haqiqiy joyini qaytarib bergani bilan Fransiya terma jamoasi tarixiga kiradi», — deya Mishel Platinining so‘zlaridan iqtibos keltiradi derbyderbyderby.it nashri.
Eslatib o‘tamiz, klub darajasida Olise ayni paytda Myunxenning «Bavariya» klubi sharafini himoya qilmoqda.
