Angliyaning «Fulxem» klubi Alvaro Arbeloaning bosh murabbiy etib tayinlanganini hali rasman e’lon qila olmayapti. Bu haqda Sky Sports nashri xabar bermoqda.
Klub hali ham ispaniyalik mutaxassisga Buyuk Britaniyada ishlash huquqini beruvchi ruxsatnoma (work permit) berilishini kutmoqda. Arbeloa bilan barcha asosiy kelishuvga allaqachon erishilgan, londonliklar yangi ustozning murabbiylar shtabini shakllantirish ishlarini yakunlashmoqda.
«Fulxem» rahbariyati Arbeloaning tayinlanganini keyingi hafta davomida e’lon qilishga umid qilmoqda.
Avvalroq Arbeloa Madridning «Real» klubi tizimida murabbiylik qilgan edi.
