Англиянинг «Фулхэм» клуби Альваро Арбелоанинг бош мураббий этиб тайинланганини ҳали расман эълон қила олмаяпти. Бу ҳақда Sky Sports нашри хабар бермоқда.
Клуб ҳали ҳам испаниялик мутахассисга Буюк Британияда ишлаш ҳуқуқини берувчи рухсатнома (work permit) берилишини кутмоқда. Арбелоа билан барча асосий келишувга аллақачон эришилган, лондонликлар янги устознинг мураббийлар штабини шакллантириш ишларини якунлашмоқда.
«Фулхэм» раҳбарияти Арбелоанинг тайинланганини кейинги ҳафта давомида эълон қилишга умид қилмоқда.
Аввалроқ Арбелоа Мадриднинг «Реал» клуби тизимида мураббийлик қилган эди.
