Portugaliya terma jamoasi hujumchisi Krishtianu Ronaldu Jahon chempionatining 1/16 finalidan o‘rin olgan Xorvatiyaga qarshi uchrashuvda (2:1) penalti tepishga tayyorlanganini tan oldi.
Portugaliyaliklar sardori uchrashuvning 68-daqiqasida, raqiblar 0:1 hisobida oldinda borayotgan bir vaziyatda nuqtaga yaqinlashdi va adashmadi. Bahs yakunida esa Gonsalu Ramush jamoasining ikkinchi, g‘alaba to‘pini kiritdi.
«Bugun kunduzi ichimda hamma narsani penalti hal qiladigandek bir sezgi paydo bo‘lgandi. Biz bunga tayyor edik. Oson bo‘lmadi, buni inkor qilmayman. Yuragim tez ura boshladi, lekin men o‘z tuyg‘ularimga ishonishga, instinktlarimga suyanishga va gol urishimga ishonishga harakat qildim. Baxtimizga, gol urdim. Bu juda muhim edi — o‘sha lahzada biz g‘alabani ilib keta olishimizni his qildik», — dedi Ronaldu jurnalistlar bilan suhbatda.
Aynan 41 yoshli hujumchi uchrashuvning eng yaxshi futbolchisi sovriniga loyiq ko‘rildi.
