Португалия терма жамоаси ҳужумчиси Криштиану Роналду Жаҳон чемпионатининг 1/16 финалидан ўрин олган Хорватияга қарши учрашувда (2:1) пенальти тепишга тайёрланганини тан олди.

Португалияликлар сардори учрашувнинг 68-дақиқасида, рақиблар 0:1 ҳисобида олдинда бораётган бир вазиятда нуқтага яқинлашди ва адашмади. Баҳс якунида эса Гонсалу Рамуш жамоасининг иккинчи, ғалаба тўпини киритди.

«Бугун кундузи ичимда ҳамма нарсани пенальти ҳал қиладигандек бир сезги пайдо бўлганди. Биз бунга тайёр эдик. Осон бўлмади, буни инкор қилмайман. Юрагим тез ура бошлади, лекин мен ўз туйғуларимга ишонишга, инстинктларимга суянишга ва гол уришимга ишонишга ҳаракат қилдим. Бахтимизга, гол урдим. Бу жуда муҳим эди — ўша лаҳзада биз ғалабани илиб кета олишимизни ҳис қилдик», — деди Роналду журналистлар билан суҳбатда.

Айнан 41 ёшли ҳужумчи учрашувнинг энг яхши футболчиси совринига лойиқ кўрилди.