Xorvatiya terma jamoasi yarim himoyachisi Ivan Perishich noyob yutuqni qayd etdi. 37 yoshli futbolchi JCH-2026 1/16 finali doirasida Portugaliyaga qarshi bo‘lib o‘tgan bugungi o‘yinning ikkinchi bo‘limi boshida hisobni ochdi. Xorvatlar faxriysi o‘zining to‘rtinchi jahon chempionatida gol urishga muvaffaq bo‘ldi, bungacha butun futbol tarixida bunday natijaga faqat besh kishi erishgan edi.
Oltita mundialda gol urgan Krishtianu Ronaldu mutlaq rekordchi bo‘lib turibdi, undan keyingi o‘rinda Lionel Messi (beshta) bormoqda. To‘rtta turnirda esa Perishichdan tashqari faqat Pele, Uve Zeeler va Miroslav Kloze raqiblar darvozasini ishg‘ol qila olgan.
Shuningdek, Perishich jahon chempionatlaridagi gollari sonini 7 taga yetkazib, Xorvatiya terma jamoasi tarixidagi eng yaxshi to‘purarga aylangani ham e’tiborga loyiqdir.
