Jurnalist Mario Kortegana yarim himoyachi Eduardo Kamavinganing «Real»dan ehtimoliy ketishi va uning «Manchester Siti»ga o‘tishi haqidagi mish-mishlar bo‘yicha o‘z fikrini bildirdi.
«Men klubdagi manbalardan Kamavinga va «Manchester Siti» bilan bog‘liq vaziyat haqida so‘radim va menga u yana «Real»da qolmoqchi ekanligini aytishdi. Klub yana bir yarim himoyachi sotib olish borasida Joze Mourinyuning fikriga qo‘shiladi, biroq buning uchun avval kimnidir sotish kerak... Ammo jamoadan hech kim ketishni xohlamayapti», — dedi Kortegana.
Eduardo Kamavinga 2021 yilda «Renn»dan 31 million yevro evaziga «Real»ga o‘tgan edi. Ortda qolgan 2025/26 yilgi mavsumda yarim himoyachi Madrid klubi safida barcha turnirlarda 43 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
