Kataloniyaning "Barselona" klubi darvozaboni Mark-Andre ter Shtegen Niderlandiyaning "Ayaks" jamoasiga o‘tmoqda. Kelishuv klublar darajasida ham, futbolchining agentlari bilan ham to‘liq hal etilgan. Bu haqda nufuzli jurnalist Fabrisio Romano o‘z ijtimoiy tarmoqlardagi sahifalarida xabar bermoqda.
34 yoshli darvozabon "Ayaks" safiga 2027 yilning yoziga qadar ijara huquqi asosida o‘tadi. Manbaning bergan ma’lumotlariga ko‘ra, futbolchi maoshining katta qismini aynan Niderlandiya klubi to‘lab beradi.
Ter Shtegen 2014 yildan buyon "Barselona" sharafini himoya qilib kelayotgan edi. U 2025/2026 yilgi mavsumning ikkinchi yarmini "Jirona"da ijarada o‘tkazdi, biroq jarohati sababli u yerda atigi 2 ta o‘yinda ishtirok eta oldi, xolos.
"Ayaks" kelasi mavsumda Konferensiyalar ligasida ishtirok etadi.
