Argentina terma jamoasi hujumchisi Lionel Messi JCH-2026ning 1/16 finalida Kabo-Verde ustidan qo‘shimcha bo‘limlarda qozonilgan qiyin g‘alaba (3:2) haqida gapirdi.

39 yoshli futbolchi uchrashuvda gol urib, bahs qahramonlaridan biriga aylandi. Nimchorak final (1/8 final) yo‘llanmasi taqdiri esa faqat 111-daqiqada — raqib futbolchisi tomonidan urilgan avtogol evaziga «albiseleste» foydasiga hal bo‘ldi.

«Biz Kabo-Verde terma jamoasining Ispaniya va Urugvayga qarshi qanday o‘ynaganini ko‘rgan edik. Shu sababli bugun juda qiyin bo‘lishini bilardik. Pley-off bosqichida oson raqibning o‘zi bo‘lmaydi. Ba’zida odamlar ayrim jamoalarning imkoniyatlarini past baholashadi, lekin biz bugun og‘ir bahs kutayotganiga amin edik.

Ushbu uchrashuvdan o‘zimiz uchun foydali xulosalar chiqarishimiz mumkin — o‘yindagi omadsiz va xato vaziyatlarni jiddiy tahlil qilib chiqishimiz kerak», — deya The Touchline nashri Messining so‘zlarini keltiradi.

JCH-2026ning 1/8 finalida Argentina terma jamoasi Misrga qarshi maydonga tushadi.