Аргентина терма жамоаси ҳужумчиси Лионель Месси ЖЧ-2026нинг 1/16 финалида Кабо-Верде устидан қўшимча бўлимларда қозонилган қийин ғалаба (3:2) ҳақида гапирди.

39 ёшли футболчи учрашувда гол уриб, баҳс қаҳрамонларидан бирига айланди. Нимчорак финал (1/8 финал) йўлланмаси тақдири эса фақат 111-дақиқада — рақиб футболчиси томонидан урилган автогол эвазига «альбиселесте» фойдасига ҳал бўлди.

«Биз Кабо-Верде терма жамоасининг Испания ва Уругвайга қарши қандай ўйнаганини кўрган эдик. Шу сабабли бугун жуда қийин бўлишини билардик. Плей-офф босқичида осон рақибнинг ўзи бўлмайди. Баъзида одамлар айрим жамоаларнинг имкониятларини паст баҳолашади, лекин биз бугун оғир баҳс кутаётганига амин эдик.

Ушбу учрашувдан ўзимиз учун фойдали хулосалар чиқаришимиз мумкин — ўйиндаги омадсиз ва хато вазиятларни жиддий таҳлил қилиб чиқишимиз керак», — дея The Touchline нашри Мессининг сўзларини келтиради.

ЖЧ-2026нинг 1/8 финалида Аргентина терма жамоаси Мисрга қарши майдонга тушади.