«Vest Xem»ning niderlandiyalik vingeri Krisensio Sammervill «Manchester Yunayted»ga o‘tishi mumkin.

TEAMtalk nashrining xabariga ko‘ra, «bolg‘achilar» Premyer-ligadan tushib ketganidan so‘ng, Sammervillning shartnomasidagi tovon puli miqdori 82 million yevrodan 47 million yevrogacha sezilarli darajada pasaygan. 24 yoshli futbolchini sotib olishga «Manchester Yunayted» qiziqish bildirayotgani aytilmoqda.

Shuningdek, jamoa quyi ligaga tushib ketganidan keyin Sammervillning maoshi ham kamaygan. Shu sababli, futbolchining o‘zi ham jamoani tark etishni xohlashi istisno etilmayapti.

2025/26 yilgi mavsumda Sammervill barcha musobaqalarni hisobga olgan holda 34 ta o‘yinda maydonga tushib, 7 ta gol urdi va 5 ta golli uzatmani o‘z hisobiga yozdirib qo‘ydi.