«Вест Хэм»нинг нидерландиялик вингери Крисенсио Саммервилл «Манчестер Юнайтед»га ўтиши мумкин.
TEAMtalk нашрининг хабарига кўра, «болғачилар» Премьер-лигадан тушиб кетганидан сўнг, Саммервиллнинг шартномасидаги товон пули миқдори 82 миллион евродан 47 миллион еврогача сезиларли даражада пасайган. 24 ёшли футболчини сотиб олишга «Манчестер Юнайтед» қизиқиш билдираётгани айтилмоқда.
Шунингдек, жамоа қуйи лигага тушиб кетганидан кейин Саммервиллнинг маоши ҳам камайган. Шу сабабли, футболчининг ўзи ҳам жамоани тарк этишни хоҳлаши истисно этилмаяпти.
2025/26 йилги мавсумда Саммервилл барча мусобақаларни ҳисобга олган ҳолда 34 та ўйинда майдонга тушиб, 7 та гол урди ва 5 та голли узатмани ўз ҳисобига ёздириб қўйди.
