Argentinalik hujumchi Lionel Messi jamoadoshi Lisandro Martinesning aytgan so‘zlariga munosabat bildirdi.
Bundan oldinroq himoyachi Messidan doimo o‘rnak olishini ta’kidlagan edi. Uning so‘zlariga ko‘ra, jarohatdan tiklanishning og‘ir davrida aynan Messi haqida o‘ylagani unga oldinga intilish uchun kuch bergan.
"Lisandroning menga juda bog‘lanib qolganini bilaman, xuddi butun jamoa kabi. Ular doimo iliq so‘zlar topishadi va har kuni menga o‘z mehrlarini ko‘rsatishadi. Men chin dildan baxtiyorman", — deya insayder-jurnalist Fabrisio Romano Messining so‘zlaridan iqtibos keltirdi.
Musobaqaning 1/16 finalida Argentina terma jamoasi Kabo-Verde ustidan 3:2 hisobida g‘alaba qozondi. Uchrashuv qo‘shimcha bo‘limlarda hal bo‘ldi. Lisandro Martines maydonda to‘liq 120 daqiqa harakat qilib, bitta gol urdi va golli uzatmani amalga oshirdi.
