«Sanderlend» yarim himoyachisi Granit Jaka «Chelsi» futbolchisiga aylanmaydi. Bu haqda jurnalist Janluka Di Marsioning sayti xabar berdi.

Manbaga ko‘ra, shveysariyalik futbolchi «Chelsi» bosh murabbiyi Xabi Alonsoga shaxsan London klubiga o‘tishdan voz kechish haqida qaror qabul qilganini ma’lum qilgan. 33 yoshli yarim himoyachi «Sanderlend»da qolish va jamoa safida faoliyatini davom ettirishni ma’qul ko‘rgan.

Qayd etilishicha, bu qaror «Chelsi» bosh murabbiyini xafa qilgan. Chunki u tajribali yarim himoyachi bilan tarkibni kuchaytirishni rejalashtirgan edi.

Shu bilan birga, The Athletic nashrining yozishicha, eng ehtimoliy ssenariy Jakaning «Sanderlend»da qolishi bo‘lib turibdi. Uning klub bilan tuzgan shartnomasi 2028 yilgacha amal qiladi.

Avvalroq «Chelsi» futbolchi uchun 8 million funt sterling taklif qilgani haqida xabarlar tarqalgandi. Biroq «qora mushuklar» bu taklifni rad etgan. Klub rahbariyati taklif etilgan summani juda past deb baholab, buni ham futbolchiga, ham «Sanderlend»ga nisbatan hurmatsizlik sifatida qabul qilgan.

Granit Jaka o‘tgan yozda «Bayer»dan «Sanderlend»ga ko‘chib o‘tgan edi. U o‘tgan mavsumda 36 ta uchrashuvda maydonga tushib, 1 ta gol va 6 ta golli uzatmaga mualliflik qildi.