«Barselona» va «Bavariya» klublari sobiq futbolchisi Tyago Alkantara «Manchester Yunayted» sobiq sardori Rio Ferdinandning kataloniyaliklar vingeri Lamin Yamalda ishga bo‘lgan munosabat (mentalitet) noto‘g‘ri shakllangan degan fikriga javob qaytardi.
«Uning mentaliteti noto‘g‘ri deb o‘ylamayman, u shunchaki hali yosh yigit. Hozir u o‘zi loyiq bo‘lgan ajoyib hayotni boshdan kechirmoqda. Uning uzoq yillar davomida yuqori saviyada barqaror faoliyat yuritishi yoki buning qisqa vaqt davom etishi faqat o‘zining qaroriga bog‘liq. Yamalda haqiqatan ham yaqin yillarda dunyoning eng yaxshi futbolchisi bo‘lish uchun hamma narsa bor», — dedi Alkantara Rio Ferdinandning podkastida.
2025/26 yilgi mavsumda Lamin Yamal «Barselona» safida barcha turnirlarda 45 ta o‘yinda maydonga tushib, 24 ta gol urdi va 18 ta golli uzatmani amalga oshirdi.
