«Барселона» ва «Бавария» клублари собиқ футболчиси Тьяго Алькантара «Манчестер Юнайтед» собиқ сардори Рио Фердинанднинг каталонияликлар вингери Ламин Ямалда ишга бўлган муносабат (менталитет) нотўғри шаклланган деган фикрига жавоб қайтарди.

«Унинг менталитети нотўғри деб ўйламайман, у шунчаки ҳали ёш йигит. Ҳозир у ўзи лойиқ бўлган ажойиб ҳаётни бошдан кечирмоқда. Унинг узоқ йиллар давомида юқори савияда барқарор фаолият юритиши ёки бунинг қисқа вақт давом этиши фақат ўзининг қарорига боғлиқ. Ямалда ҳақиқатан ҳам яқин йилларда дунёнинг энг яхши футболчиси бўлиш учун ҳамма нарса бор», — деди Алькантара Рио Фердинанднинг подкастида.

2025/26 йилги мавсумда Ламин Ямал «Барселона» сафида барча турнирларда 45 та ўйинда майдонга тушиб, 24 та гол урди ва 18 та голли узатмани амалга оширди.