Ispaniya terma jamoasi bosh murabbiyi Luis de la Fuentedan ushbu Jahon chempionatidagi yarim himoya chizig‘ini ispanlar g‘alaba qozongan JCH-2010 musobaqasidagi yarim himoyachilar bilan solishtirishni so‘rashdi.

«Bular — ikkita buyuk yarim himoya chizig‘i. Mening fikrimcha, va buni ulkan hurmat bilan aytyapman, hozir bizda dunyodagi eng yaxshi yarim himoya mavjud. Har bir pozisiya uchun ixtiyorimizda yuqori darajadagi ikkitadan futbolchi bor.

Ularni sanab o‘tishim mumkin: Rodri, Subimendi, Fabian [Ruis], Pedri, Olmo, Merino, Baena, Gavi, jarohati tufayli qaydnomaga kiritilmagan Fermin va hokazo. Kimnidir unutib qoldirgan bo‘lsam, xafa bo‘lishi tabiiy. Iltimos, xafa bo‘lishmasin, men hammani eslayman.

2010 yildagi yarim himoya ham ajoyib edi, bu haqiqat. Futbol o‘zgarmoqda, lekin men bizni deyarli o‘sha darajaga qo‘ygan bo‘lardim», — dedi de la Fuente.

Ispaniya Jahon chempionatining 1/8 finalida Portugaliyaga qarshi maydonga tushadi. Uchrashuv 6 iyul kuni Toshkent vaqti bilan soat 00:00 da boshlanadi.