Испания терма жамоаси бош мураббийи Луис де ла Фуэнтедан ушбу Жаҳон чемпионатидаги ярим ҳимоя чизиғини испанлар ғалаба қозонган ЖЧ-2010 мусобақасидаги ярим ҳимоячилар билан солиштиришни сўрашди.

«Булар — иккита буюк ярим ҳимоя чизиғи. Менинг фикримча, ва буни улкан ҳурмат билан айтяпман, ҳозир бизда дунёдаги энг яхши ярим ҳимоя мавжуд. Ҳар бир позиция учун ихтиёримизда юқори даражадаги иккитадан футболчи бор.

Уларни санаб ўтишим мумкин: Родри, Субименди, Фабиан [Руис], Педри, Ольмо, Мерино, Баэна, Гави, жароҳати туфайли қайдномага киритилмаган Фермин ва ҳоказо. Кимнидир унутиб қолдирган бўлсам, хафа бўлиши табиий. Илтимос, хафа бўлишмасин, мен ҳаммани эслайман.

2010 йилдаги ярим ҳимоя ҳам ажойиб эди, бу ҳақиқат. Футбол ўзгармоқда, лекин мен бизни деярли ўша даражага қўйган бўлардим», — деди де ла Фуэнте.

Испания Жаҳон чемпионатининг 1/8 финалида Португалияга қарши майдонга тушади. Учрашув 6 июль куни Тошкент вақти билан соат 00:00 да бошланади.