«Bolonya» himoyachisi Jon Lukumi «Yuventus» tomonidan bo‘layotgan qiziqishlar haqidagi mish-mishlarga izoh berishni istamadi.

«Yuventus»ning qiziqishi? Hozir bunday narsalar haqida gapiradigan vaqt emas. Men bor e’tiborimni faqat Kolumbiya terma jamoasidagi ishtirokimga qaratishni xohlayman. Italiyaga qaytganimdan keyin bu haqda gaplashib olamiz», — dedi Lukumi La Gazzetta dello Sport nashriga bergan intervyusida.

Jon Lukumi 2022 yilda «Genk»dan «Bolonya»ga 8 million yevro evaziga o‘tgan edi. Uning shartnomasi 2027 yilning 30 iyuniga qadar mo‘ljallangan. 2025/26 yilgi mavsumda himoyachi barcha turnirlarda 43 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Transfermarkt portali Lukumining transfer qiymatini 22 million yevroga baholamoqda.