«Болонья» ҳимоячиси Жон Лукуми «Ювентус» томонидан бўлаётган қизиқишлар ҳақидаги миш-мишларга изоҳ беришни истамади.

«Ювентус»нинг қизиқиши? Ҳозир бундай нарсалар ҳақида гапирадиган вақт эмас. Мен бор эътиборимни фақат Колумбия терма жамоасидаги иштирокимга қаратишни хоҳлайман. Италияга қайтганимдан кейин бу ҳақда гаплашиб оламиз», — деди Лукуми La Gazzetta dello Sport нашрига берган интервьюсида.

Жон Лукуми 2022 йилда «Генк»дан «Болонья»га 8 миллион евро эвазига ўтган эди. Унинг шартномаси 2027 йилнинг 30 июнига қадар мўлжалланган. 2025/26 йилги мавсумда ҳимоячи барча турнирларда 43 та ўйинда майдонга тушиб, 1 та гол урди ва 1 та голли узатмани амалга оширди. Transfermarkt портали Лукумининг трансфер қийматини 22 миллион еврога баҳоламоқда.