Norvegiya terma jamoasi bosh murabbiyi Stole Solbakken Braziliya terma jamoasining asosiy xavfi hujumchi Vinisius Juniordan keladi deb hisoblaydi.

The Touchline nashriga ma’lum bo‘lishicha, Solbakken braziliyaliklarga qarshi o‘yinda yangi taktik sxemadan foydalanmoqchi. Ushbu taktika Vinisiusning maydonda imkoni boricha kamroq bo‘sh joyga (harakatlanish maydoniga) ega bo‘lishini ta’minlashga qaratilgan.

Jahon chempionatining guruh bosqichidagi uchta o‘yinda Vinisius Junior to‘rtta gol urdi va bitta golli uzatmani amalga oshirdi. Pley-offning ilk bosqichida Yaponiyaga qarshi kechgan bahsda esa yulduzli forvard samarali harakatlari bilan ajralib tura olmadi.

Braziliya va Norvegiya o‘rtasidagi uchrashuv soat 01:00 da boshlanadi.