«Liverpul»ning sobiq bosh murabbiyi Yurgen Klopp amerikalik hujumchi Folarin Balogun bilan bog‘liq vaziyat haqida o‘z fikrini bildirdi.
Avvalroq FIFA jahon chempionatining 1/16 finalidan o‘rin olgan Bosniya va Gersegovinaga qarshi o‘yindagi chetlatishdan so‘ng hujumchining diskvalifikasiyasini kechiktirgan edi. Shu tariqa, futbolchi Belgiyaga qarshi maydonga tusha oladi. Mish-mishlarga qaraganda, Balogunning o‘ynashiga ruxsat berishni shaxsan AQSH prezidenti Donald Tramp so‘ragan va u FIFA rahbari Janni Infantinoga qo‘ng‘iroq qilgan.
«Agar bu haqiqatan ham shunday bo‘lsa, bu — telbalik. Futboldan hech narsani tushunmaydigan bu ikki insonning bu o‘yinga umuman aloqasi bo‘lmasligi kerak. Bu toza chetlatish edi, bu yerda bahslashadigan narsaning o‘zi yo‘q», — deya Kloppning so‘zlarini keltiradi The Touchline.
AQSH va Belgiya o‘rtasidagi 1/8 final uchrashuvi 7 iyul kuni bo‘lib o‘tadi.
