«Ливерпул»нинг собиқ бош мураббийи Юрген Клопп америкалик ҳужумчи Фоларин Балогун билан боғлиқ вазият ҳақида ўз фикрини билдирди.

Аввалроқ ФИФА жаҳон чемпионатининг 1/16 финалидан ўрин олган Босния ва Герцеговинага қарши ўйиндаги четлатишдан сўнг ҳужумчининг дисквалификациясини кечиктирган эди. Шу тариқа, футболчи Бельгияга қарши майдонга туша олади. Миш-мишларга қараганда, Балогуннинг ўйнашига рухсат беришни шахсан АҚШ президенти Дональд Трамп сўраган ва у ФИФА раҳбари Жанни Инфантинога қўнғироқ қилган.

«Агар бу ҳақиқатан ҳам шундай бўлса, бу — телбалик. Футболдан ҳеч нарсани тушунмайдиган бу икки инсоннинг бу ўйинга умуман алоқаси бўлмаслиги керак. Бу тоза четлатиш эди, бу ерда баҳслашадиган нарсанинг ўзи йўқ», — дея Клоппнинг сўзларини келтиради The Touchline.

АҚШ ва Бельгия ўртасидаги 1/8 финал учрашуви 7 июль куни бўлиб ўтади.