Jahon chempionatining 1/8 finalidan o‘rin olgan Braziliya va Norvegiya terma jamoalari o‘rtasidagi uchrashuv bo‘lib o‘tdi. Ikkinchi bo‘lim davomida teletranslyasiya kadriga mashhur aktyor Leonardo Di Kaprio tushib qoldi. Ko‘zoynak taqib olganiga qaramay, «Titanik» va boshqa ko‘plab filmlar yulduzini tanib olish qiyin bo‘lmadi. Di Kaprio kimgadir messenjer orqali ovozli xabar yuborayotganga o‘xshardi — aktyor qo‘lida smartfon ushlagancha nimadir deb pichirlayotgan edi.
Ma’lumot uchun, Leonardo Di Kaprio 2016 yilda «Omon qolgan» filmidagi roli uchun «Oskar» mukofotini qo‘lga kiritgan.
