«PSJ» yarim himoyachisi Li Kan In faoliyatini «Atletiko Madrid»da davom ettiradi.

Insayder Fabrisio Romanoning bergan ma’lumotlariga ko‘ra, Madrid klubi Janubiy Koreya terma jamoasi yarim himoyachisining transferi borasida kelishuvga erishgan. Kelishuv summasi taxminan 40 million yevroni tashkil qiladi. Futbolchining shaxsiy shartnomasi shartlari esa bir necha oy oldin hal qilib bo‘lingan edi.

Ortda qolgan Liga 1 mavsumida Li Kan In 27 ta o‘yinda maydonga tushib, 3 ta gol urdi va 4 ta golli uzatmani amalga oshirdi.