Jahon chempionati-2026ning 1/8 final uchrashuvida Belgiya terma jamoasi AQSH milliy jamoasi ustidan 4:1 hisobida yirik g‘alabaga erishdi. Yakuniy hushtak chalinganidan so‘ng, «qizil iblislar» ustozi Rudi Garsiya o‘yin natijasi haqida o‘z fikrlari bilan o‘rtoqlashdi.
«Ushbu o‘yinda bizni qo‘llab-quvvatlagan barcha muxlislarga o‘z minnatdorchiligimni bildirmoqchiman. Menimcha, ular hozir baxtli va jamoa bilan faxrlanishadi. Biz Belgiya buyuk futbol mamlakati ekanligini isbotladik», — deya mutaxassisning so‘zlarini keltiradi FIFA matbuot xizmati.
Nufuzli turnirning yarim final yo‘llanmasi uchun Belgiya terma jamoasi Portugaliyani musobaqadan chiqarib yuborgan (1:0) Ispaniya jamoasiga qarshi bahs olib boradi. Uchrashuv 10 iyul kuni bo‘lib o‘tadi va Toshkent vaqti bilan 11 iyulga o‘tar kechasi soat 00:00 da start oladi.
