Жаҳон чемпионати-2026нинг 1/8 финал учрашувида Бельгия терма жамоаси АҚШ миллий жамоаси устидан 4:1 ҳисобида йирик ғалабага эришди. Якуний ҳуштак чалинганидан сўнг, «қизил иблислар» устози Руди Гарсия ўйин натижаси ҳақида ўз фикрлари билан ўртоқлашди.
«Ушбу ўйинда бизни қўллаб-қувватлаган барча мухлисларга ўз миннатдорчилигимни билдирмоқчиман. Менимча, улар ҳозир бахтли ва жамоа билан фахрланишади. Биз Бельгия буюк футбол мамлакати эканлигини исботладик», — дея мутахассиснинг сўзларини келтиради ФИФА матбуот хизмати.
Нуфузли турнирнинг ярим финал йўлланмаси учун Бельгия терма жамоаси Португалияни мусобақадан чиқариб юборган (1:0) Испания жамоасига қарши баҳс олиб боради. Учрашув 10 июль куни бўлиб ўтади ва Тошкент вақти билан 11 июлга ўтар кечаси соат 00:00 да старт олади.
