Angliyaning «Nyukasl» klubi rahbariyati Bruno Gimaraes bilan yangi shartnoma bo‘yicha muzokaralarni boshlashni rejalashtirmoqda. Bu haqda Football Insider nashri xabar bermoqda.

Manbaning ta’kidlashicha, «Nyukasl» braziliyalik futbolchini «Arsenal»ga sotishdan bosh tortgach, u bilan mehnat shartnomasini uzaytirmoqchi. «Qarg‘alar» shartnomaning uzaytirilishi 28 yoshli yarim himoyachining jamoadan ketishi mumkinligi haqidagi barcha mish-mishlarga chek qo‘yadi, deb umid qilishmoqda. Avvalroq Gimaraesning o‘zi ham «Nyukasl»da qolmoqchi ekanini ma’lum qilgan edi.

Yakunlangan klub mavsumida Gimaraes barcha turnirlarda 41 ta uchrashuvda maydonga tushib, raqiblar darvozasini 9 bor ishg‘ol etdi va o‘z hisobiga 8 ta golli uzatmani yozdirib qo‘ydi.