Belgiya terma jamoasi yarim himoyachisi Yuri Tilemans JCH-2026 ning 1/8 final uchrashuvi oldidan AQSH milliy jamoasi hujumchisi Folarin Balogunning diskvalifikasiyasi to‘xtatilishi jamoaning ruhiyatiga qanday ta’sir qilgani haqida gapirdi.
«Ushbu xabardan keyin o‘rtamizda yig‘ilish bo‘lib o‘tdi. Biz hamma gapni futbol maydonida aytishga qaror qildik. Terma jamoamiz aynan shunday yo‘l tutdi. Jamoam bilan faxrlanaman», — deya yarim himoyachining so‘zlarini keltiradi Guardian.
Belgiya va AQSH terma jamoalari o‘rtasidagi bahs yevropaliklarning 4:1 hisobidagi yirik g‘alabasi bilan yakunlandi.
Rudi Garsiya shogirdlari mundialning chorak finaliga yo‘l olishdi, u yerda jamoani Ispaniyaga qarshi uchrashuv kutmoqda. O‘yin juma kuni, 10 iyulda bo‘lib o‘tadi.
