37 yoshli hujumchi Pyer-Emerik Obameyang shu yozda «Marsel»da qolishi mumkin. Bu haqda jurnalist Mark Meshenua X ijtimoiy tarmog‘ida xabar bermoqda.

Manbaning ma’lumotlariga ko‘ra, provansalliklarning yangi bosh murabbiyi Bruno Jenezio futbolchiga umid bog‘lamoqda. Yaqin vaqt ichida klub rahbariyati bilan o‘yinchining kelajagi borasida muzokaralar bo‘lib o‘tadi. Ma’lumki, Turkiya va MLS klublari Obameyangni o‘z safiga qo‘shib olishga qiziqish bildirmoqda.

O‘tgan klub mavsumidagi 41 ta o‘yinda 37 yoshli Pyer-Emerik Obameyang 14 ta gol urdi va 10 ta golli uzatmani amalga oshirdi. O‘tgan mavsum yakunlariga ko‘ra, provansalliklar Fransiya Liga 1 turnir jadvalida beshinchi o‘rinni egallashdi.