Misr terma jamoasi hujumchisi Muhammad Saloh JCH-2026 1/8 finalida Argentinadan uchralgan mag‘lubiyatdan (2:3) so‘ng, hakamlikdan norozi ekanligini ma’lum qildi.
«Hakamlik haqida ko‘p gapirishni istamayman, chunki agar bunday qilsam, boshimga katta muammolar orttirib olishim mumkin. Uchrashuvda, ayniqsa, jahon chempionatining hal qiluvchi bahsi haqida gap ketayotganda, barcha qarorlar senga qarshi chiqarilganini ko‘rish juda alamlidir», — deya Salohning so‘zlaridan iqtibos keltiradi Goals Side.
Jahon chempionatining chorak finalida Argentina Shveysariya bilan to‘qnash keladi. Uchrashuv yakshanba, 12 iyul kuni bo‘lib o‘tadi va Toshkent vaqti bilan soat 06:00 da boshlanadi.
