Миср терма жамоаси ҳужумчиси Муҳаммад Салоҳ ЖЧ-2026 1/8 финалида Аргентинадан учралган мағлубиятдан (2:3) сўнг, ҳакамликдан норози эканлигини маълум қилди.
«Ҳакамлик ҳақида кўп гапиришни истамайман, чунки агар бундай қилсам, бошимга катта муаммолар орттириб олишим мумкин. Учрашувда, айниқса, жаҳон чемпионатининг ҳал қилувчи баҳси ҳақида гап кетаётганда, барча қарорлар сенга қарши чиқарилганини кўриш жуда аламлидир», — дея Салоҳнинг сўзларидан иқтибос келтиради Goals Side.
Жаҳон чемпионатининг чорак финалида Аргентина Швейцария билан тўқнаш келади. Учрашув якшанба, 12 июль куни бўлиб ўтади ва Тошкент вақти билан соат 06:00 да бошланади.
