Shveysariya terma jamoasi bosh murabbiyi Murat Yakin JCH-2026 1/8 finali doirasida Kolumbiya ustidan qozonilgan g‘alaba (0:0, penaltilar bo‘yicha — 4:3) haqida fikr bildirdi.
«Bugun o‘yin uchun tuzgan rejamni eshitishni xohlaysiz deb o‘ylamayman, lekin hammasi biz rejalashtirgandek amalga oshdi. Yakunda aynan shu narsa muhim ahamiyatga ega. Boshida bizga tajriba va to‘g‘ri kayfiyat kerak edi. Keyin ikkinchi bo‘limda o‘yinni yanada ko‘proq nazorat qilish, ayniqsa, to‘pga egalik qilish maqsadida o‘zgartirishni amalga oshirdik. O‘yin davomida penaltilar seriyasida ko‘rishni istagan futbolchilarimizni ham maydonga tushirishga muvaffaq bo‘ldik. Senda doim reja bo‘ladi. Va yakunda u ish bersa, bu yanada kattaroq qoniqish bag‘ishlaydi. Albatta, bugun bizga biroz omad kuldi, ammo bu ham futbolning bir qismidir», — deya Yakinning so‘zlaridan iqtibos keltiradi FIFA rasmiy sayti.
