«Manchester Yunayted» bosh murabbiyi Maykl Kerrik klub to‘g‘ri yo‘nalishda ketayotganiga ishonch bildirdi. U «qizil iblislar» boshqaruaidagi ilk to‘liq mavsumi oldidan jamoa yangi chaqiriqlarga tayyorligini ma’lum qildi.

Angliyalik mutaxassis mavsumning ikkinchi yarmini ta’sirli tarzda o‘tkazib, «Manchester Yunayted»ga Chempionlar ligasi yo‘llanmasini taqdim etganidan so‘ng jamoaning doimiy bosh murabbiyiga aylandi. Klubning yillik jurnali uchun yozgan maqolasida Karrik «Old Trafford»da har doim g‘alabalar va yorqin o‘yin kutilishini ta’kidladi.

«Biz o‘sishda davom etishimiz kerakligini bilamiz. Zimmamizda ulkan mas’uliyat bor — g‘alaba qozonish va jozibali futbol ko‘rsatish. Bu narsa hech qachon o‘zgarmaydi va biz doimo eng nufuzli sovrinlar uchun kurashishimiz shart.

Futbolchilar bu klubni yaxshi ko‘rishadi va ularning g‘alaba qozonishni qanchalik istayotgani ko‘rinib turibdi. Bu bizga haqiqatan ham buyuk narsa qurayotganimiz va to‘g‘ri yo‘nalishda ketayotganimizga ishonch bag‘ishlaydi», - dedi Kerrik.