«Манчестер Юнайтед» бош мураббийи Майкл Кэррик клуб тўғри йўналишда кетаётганига ишонч билдирди. У «қизил иблислар» бошқаруаидаги илк тўлиқ мавсуми олдидан жамоа янги чақириқларга тайёрлигини маълум қилди.
Англиялик мутахассис мавсумнинг иккинчи ярмини таъсирли тарзда ўтказиб, «Манчестер Юнайтед»га Чемпионлар лигаси йўлланмасини тақдим этганидан сўнг жамоанинг доимий бош мураббийига айланди. Клубнинг йиллик журнали учун ёзган мақоласида Каррик «Олд Траффорд»да ҳар доим ғалабалар ва ёрқин ўйин кутилишини таъкидлади.
«Биз ўсишда давом этишимиз кераклигини биламиз. Зиммамизда улкан масъулият бор — ғалаба қозониш ва жозибали футбол кўрсатиш. Бу нарса ҳеч қачон ўзгармайди ва биз доимо энг нуфузли совринлар учун курашишимиз шарт.
Футболчилар бу клубни яхши кўришади ва уларнинг ғалаба қозонишни қанчалик истаётгани кўриниб турибди. Бу бизга ҳақиқатан ҳам буюк нарса қураётганимиз ва тўғри йўналишда кетаётганимизга ишонч бағишлайди», - деди Кэррик.
