Tajribali niderlandiyalik himoyachi Deyli Blind Amsterdamning «Ayaks» klubiga qaytdi. Bu haqda klub matbuot xizmati xabar bermoqda. 36 yoshli futbolchi keyingi yilning yozigacha mo‘ljallangan qisqa muddatli mehnat shartnomasini imzoladi.

Ta’kidlash joizki, Blind «Ayaks» akademiyasi tarbiyalanuvchisi hisoblanadi. Umumiy hisobda yarim himoyachi Niderlandiya grandi safida 333 ta uchrashuvda maydonga tushib, o‘z hisobiga 13 ta gol va 21 ta golli uzatmani yozdirib qo‘ygan.

Deyli so‘nggi bir necha mavsumni Ispaniyaning «Jirona» klubida o‘tkazdi. Ispaniya La Ligasining yakunlangan mavsumida himoyachi 31 ta o‘yinda maydonga tushdi va bitta sariq kartochka oldi.