Тажрибали нидерландиялик ҳимоячи Дейли Блинд Амстердамнинг «Аякс» клубига қайтди. Бу ҳақда клуб матбуот хизмати хабар бермоқда. 36 ёшли футболчи кейинги йилнинг ёзигача мўлжалланган қисқа муддатли меҳнат шартномасини имзолади.

Таъкидлаш жоизки, Блинд «Аякс» академияси тарбияланувчиси ҳисобланади. Умумий ҳисобда ярим ҳимоячи Нидерландия гранди сафида 333 та учрашувда майдонга тушиб, ўз ҳисобига 13 та гол ва 21 та голли узатмани ёздириб қўйган.

Дейли сўнгги бир неча мавсумни Испаниянинг «Жирона» клубида ўтказди. Испания Ла Лигасининг якунланган мавсумида ҳимоячи 31 та ўйинда майдонга тушди ва битта сариқ карточка олди.