«Manchester Yunayted» Madridning «Real» klubi va Fransiya terma jamoasi yarim himoyachisi Orelyen Tchuameniga besh yillik shartnoma taklif qildi. Bu haqda Marca nashri xabar bermoqda.

Manbaning ma’lumotlariga ko‘ra, taklif juda yaxshi moliyaviy shartlarni o‘z ichiga olgan, biroq insayderlarning ta’kidlashicha, futbolchi Madrid klubini tark etishga intilmayapti.

Yakunlangan mavsumda 25 yoshli xavbek barcha musobaqalarda 49 ta o‘yinda maydonga tushib, ikkita gol urdi va ikkita golli uzatmani amalga oshirdi. Transfermarkt uning transfer qiymatini 70 million yevroga baholamoqda.

Hozirda futbolchi Jahon chempionati-2026da ishtirok etish uchun Fransiya terma jamoasi ixtiyorida bo‘lib turibdi. Katta ehtimol bilan u jarohati sababli Marokashga qarshi bo‘lib o‘tadigan 1/4 final uchrashuvini o‘tkazib yuboradi.