Angliya Premyer-ligasi vakillari JCH-2026da kiritilgan gollar soni bo‘yicha barcha milliy chempionatlar orasida yetakchilik qilmoqda. Bunday statistik ma’lumotni MatchDay Central keltirdi.
Hisob-kitoblarga ko‘ra, Angliya chempionatida to‘p suruvchi futbolchilar joriy jahon chempionatida 63 marta raqib darvozasini ishg‘ol qilishgan.
Avvalroq mundialda 1/8 final bosqichi o‘z yakuniga yetgan edi. Chorshanba, 8 iyul kuni, jahon chempionati boshlanganidan beri ilk bor birorta ham o‘yin bo‘lib o‘tmaydi, chunki barcha jamoalarga dam olish kuni berildi.
Amaldagi jahon chempioni — Argentina terma jamoasi. Hozircha Lionel Skaloni shogirdlari chorak finalga yo‘l olgani uchun o‘z titulini himoya qilish imkoniyatini saqlab qolmoqda.
