«Barselona» Dortmundning «Borussiya» klubiga Karim Adeyemi bo‘yicha rasmiy taklif yubordi, deb xabar bermoqda X ijtimoiy tarmog‘idagi jurnalist Xerard Romero.

24 yoshli nemis futbolchisi faqat kataloniyaliklar safiga o‘tishni istamoqda va yozgi transfer oynasida boshqa variantlarni ko‘rib chiqmoqchi emas. Endi «Barselona» «Borussiya»dan keladigan javobni kutmoqda.

Adeyemi 2027 yilgacha amal qiladigan shartnomaga ega. Transfermarkt portali futbolchining qiymatini 40 million yevroga baholamoqda.

O‘tgan mavsumda Adeyemi barcha turnirlarda 39 ta o‘yinda maydonga tushib, 10 ta gol urdi va 6 ta golli uzatmani amalga oshirdi.