Braziliya terma jamoasi 2026 yilgi Jahon chempionatidan chiqib ketganidan so‘ng, «Santos» hujumchisi Neymar professional faoliyatini yakunlash haqida qaror qabul qilishi mumkin, deb xabar bermoqda Braziliyaning UOL nashri.

JCH-2026 1/8 finalida Norvegiyaga qarshi kechgan mag‘lubiyatdan (1:2) so‘ng, Neymar milliy terma jamoadan ketayotganini e’lon qilgandi. Manbaga ko‘ra, hozirda 34 yoshli braziliyalik futbolchi oilasi bilan ta’tilda bo‘lib, o‘z kelajagi haqida o‘ylab ko‘rmoqchi.

Ta’kidlanishicha, hatto Jahon chempionati boshlanishidan oldin ham, yaqinlarining so‘zlariga ko‘ra, Neymar futbol olamidan charchaganini bildirgan va do‘stlariga Braziliya terma jamoasida o‘tkazgan 15 yil davomida yetarlicha e’tirofga sazovor bo‘lmaganidan shikoyat qilgan.

Neymarning «Santos» bilan shartnomasi 2026 yilning dekabrigacha mo‘ljallangan.

Avvalroq, hujumchi «Santos» bilan muzokaralar o‘tkazishi haqida ma’lumotlar paydo bo‘lgandi, chunki klub hali uning qaytish sanasini belgilamagan.