Бразилия терма жамоаси 2026 йилги Жаҳон чемпионатидан чиқиб кетганидан сўнг, «Сантос» ҳужумчиси Неймар профессионал фаолиятини якунлаш ҳақида қарор қабул қилиши мумкин, деб хабар бермоқда Бразилиянинг UOL нашри.
ЖЧ-2026 1/8 финалида Норвегияга қарши кечган мағлубиятдан (1:2) сўнг, Неймар миллий терма жамоадан кетаётганини эълон қилганди. Манбага кўра, ҳозирда 34 ёшли бразилиялик футболчи оиласи билан таътилда бўлиб, ўз келажаги ҳақида ўйлаб кўрмоқчи.
Таъкидланишича, ҳатто Жаҳон чемпионати бошланишидан олдин ҳам, яқинларининг сўзларига кўра, Неймар футбол оламидан чарчаганини билдирган ва дўстларига Бразилия терма жамоасида ўтказган 15 йил давомида етарлича эътирофга сазовор бўлмаганидан шикоят қилган.
Неймарнинг «Сантос» билан шартномаси 2026 йилнинг декабригача мўлжалланган.
Аввалроқ, ҳужумчи «Сантос» билан музокаралар ўтказиши ҳақида маълумотлар пайдо бўлганди, чунки клуб ҳали унинг қайтиш санасини белгиламаган.
